ԵՐԵՎԱՆ, 13 դեկտեմբերի — Sputnk. Արաբական Միացյալ Էմիրությունների բնակիչների որոնողական հարցումների տասնյակում ընդգրկվել է նաև Հայաստանը։ Այս մասին հայտնում է The National-ը։
ԱՄԷ-ի պարբերականը ներկայացնում է Google-ի տվյալները, որոնց համաձայն` զբոսաշրջության հետ կապված հարցումների քանակով Հայաստանը 8-րդ հորիզոնականն է զբաղեցնում։ Հարևաններ Վրաստանն ու Ադրբեջանը զբաղեցրել են հինգերորդ և վեցերորդ հորիզոնականները, Թուրքիան երկրորդ տեղում է։
Արաբական Միացյալ Էմիրությունների բնակիչներն ամենից շատ հետաքրքրվում են Ֆրանսիայով։ Տասնյակը եզրափակում է Կամբոջան։
«Ցանկի մեջտեղում Վրաստանն ու Ադրբեջանն են, որոնց հաջորդում է Հայաստանը։ Բոլոր այս ուղղություններն իրականացվում են ուղիղ չվերթերով»,- հայտնում է The National-ը։
Ինչպես հայտնում են հեղինակները, 2017 թվականին ԱՄԷ-ի բնակիչները մեկ ուղևորության ընթացքում առավել հաճախ նախընտրել են մի քանի երկիր այցելել, ինչը կովկասյան երկրների դեպքում հարմար ու հեշտ իրականացվող տարբերակ է։
