ԵՐԵՎԱՆ, 12 դեկտեմբերի — Sputnik. Սնունդը կարող է տարբեր ազդեցություններ ունենալ տարբեր տարիքների մարդկանց հոգեբանական վիճակի վրա։ Այդպիսի եզրակացության են հանգել Բինգեմթոնի համալսարանի ամերիկյան գիտնականները, որոնց աշխատանքը հրապարակել է MedicalXpress–ը։
Հետազոտության ընթացքում տարբեր երկրների մարդիկ առցանց հարցաթերթիկներ էին լրացնում։ Փորձի մասնակիցներն իրենց սննդային սովորություններն էին նկարագրում։ Նաև տեղեկություն էին տալիս իրենց կերած մթերքների ու հոգեբանական վիճակի մասին։
Ամփոփելով հարցաթերթիկների տվյալները` գիտնականները եզրակացրել են, որ երիտասարդների (18–ից 29 տարեկան) տրամադրության վրա զգալիորեն ազդում է մսի օգտագործումը։ Մսի կանոնավոր օգտագործման արդյունքում ուղեղում կուտակվում են քիմիական նյութեր (առաջին հերթին, սերոտոնին ու դոֆամին), որոնք բավարարվածության զգացողություն են առաջացնում ու բարձրացնում են տրամադրությունը։ Այն երիտասարդները, որոնք շաբաթական երեք անգամից պակաս էին միս օգտագործում ու սպորտով չէին զբաղվում, հակված էին հոգեբանական խախտումների։
30–ն անց մարդիկ, իրենց հերթին, ավելի զգայուն էին այն մթերքի սահմանափակման նկատմամբ, որոնք հակաօքսիդանտ են պարունակում։ Դրանց շարքում են` կարմիր գինին, շատ օգտակար կանաչ թեյը, լոբին ու արտիճուկները։ Մյուս կողմից` այդպիսի սնունդը չեզոքացնում է ազատ թթվեցուցիչների ազդեցությունը, որի քանակությունը տարիքի հետ աճում է, ինչը կարող է հոգեբանական խախտումների հանգեցնել։ Բայց այդ մթերքները ավելացնում են սթրեսի հավանականությունը։
Ավելի վաղ բրիտանացի գիտնականները պարզել էին, որ նուռը, խաղողի կարմիր տեսակները, սնկերն ու ոսպը դրական ազդեցություն են ունենում, որպեսզի բջիջները ներծծեն իրենց վնասակար կամ վնասված տարրերը։ Դա կարող է օգնել աղեստամոքսային տրակտի շատ հիվանդությունների, այդ թվում` քաղցկեղի բուժման հարցում։
