ԵՐԵՎԱՆ, 11 դեկտեմբերի — Sputnik. «London Chess Classic»-ը մոտենում է ավարտին: Մրցաշարի վերջին` 9-րդ տուրում հայ գրոսմայստեր Լևոն Արոնյանը պարտվեց նորվեգացի Մագնուս Կարլսենին:
Այս մասին տեղեկացնում է armsport.am-ը։
Արոնյանը խաղաց սպիտակներով և պարտվեց 53-րդ քայլին:
Այսպիսով` Արոնյանը վաստակած 4 միավորով զբաղեցրեց մրցաշարային աղյուսակի 7-րդ հորիզոնականը:
Մյուս պարտիաներում Ուեսլի Սոն հաղթեց Վիշվանաթան Անանդին, իսկ Կարյակին-Նակամուրա և Նեպոմնյաշչի-Վաշիե-Լագրավ պարտիաներն ավարտվեցին ոչ-ոքի:
