ԵՐԵՎԱՆ, 11 դեկտեմբերի — Sputnik. Ադրբեջանական ավիաընկերության աշխատակիցը մտել է ինքնաթիռի բեռների հատված և հասել Գերմանիա։ Այս մասին հայտնում են ադրբեջանական լրատվամիջոցները։
Ադրբեջանի` 1977 թվականին ծնված քաղաքացուն բռնել են Ֆրանկֆուրտի օդանավակայան հասնելուն պես։
Ազգային անվտանգության ծառայողները նրան փոխանցել են ոստիկանությանը։ Սահմանն անօրինական կերպով հատելու համար քրեական գործ է հարուցվել։
Տղամարդը (անունը չի նշվում) իր արարքը բացատրել է այսպես` ուզում էր լավ կյանքով ապրել, իսկ բեռների հատված մտնելու որոշումն ինքնաբերաբար է ծնվել։