ԵՐԵՎԱՆ, 10 դեկտեմբերի — Sputnik. Արմեն Ջիգարխանյանի նախկին կինը՝ դաշնակահարուհի Վիտալինա Ցիմբալյուկ-Ռոմանովսկայան, որոշել է չտխրել սկանդալային ամուսնալուծությունից հետո և նշել իր ծննդյան 39-րդ տարեդարձը։
Ինչպես հաղորդում են նրա շրջապատում գտնվող աղբյուրները, հանդիսությունն անցել է համեստ՝ ամենամոտ ընկերների հետ։ Ջիգարխանյանի նախկին կնոջ պատվին կազմակերպված բանկետը կազմակերպվել է Մոլոգվարդեյսկայա փողոցում գտնվող նույն բնակարանում, որտեղ գրանցված է ժողովրդական արտիստը։ Տոնին մասնակցող հյուրերը չեն շոշափել Վիտալինայի և նրա նախկին ամուսնու փոխհարաբերությունների թեման՝ փորձելով միայն դրական թեմաներ գտնել զրույցի համար։
Միևնույն ժամանակ, անցած կյանքը դեռ հանգիստ չի թողնում Ցիմբալյուկ-Ռոմանովսկայային։
Օրերս նրան կանչել են քննիչի մոտ, և փաստաբանի խոսքով, մեղադրում են անձնական կյանքի գաղտնիության նկատմամբ ոտնձգության մեջ՝ նախկին ամուսնու աշխատասենյակում տեսախցիկներ տեղադրելու համար։
Երկրորդ մեղադրանքը վերաբերվել է Արմեն Ջիգարխանյանի անհետացած անձնագրին։
«Վիտալինային որպես մեղադրյալ ներգրավելու մասին որոշում չի կայացվել, թեև հակառակ կողմից նրան մեղադրանք ներկայացնելու փորձ է արվել։ Կարող եմ ասել, որ Վիտալինան գող չէ։ Նա ոչ մի հանցագործություն չի կատարել։ Այն ամենն, ինչ ասել են նրա հասցեին, զրպարտանք է։ Մենք չենք արձագանքի դրան», — «Կոմսոմոլսկայա պրավդային» տված հարցազրույցում ասել է Լարիսա Շիրոկովան։ Նա նշել է, որ նախապատրաստվել են ապացույցներ, և երկուշաբթի օրվանից կսկսվի ակտիվ պաշտպանություն։
«Նրա անմեղությունը կապացուցվի, դա դժվար չի լինի», — ասել է նա։
Ավելի վաղ հաղորդվել է, որ Վիտալինային մեղադրանք է առաջադրվել անձնական կյանքի անձեռնմխելիությունը խախտելու մասին հոդվածով (ՌԴՔՕ 137 հոդված)։
