ԵՐԵՎԱՆ, 10 դեկտեմբերի – Sputnik. Իրանի խորհրդարանի հայ պատգամավորները դատապարտել են ԱՄՆ նախագահ Դոնալդ Թրամփի` դեսպանատունը Երուսաղեմ տեղափոխելու մասին որոշումը։
Երկու խորհրդարանականներ Կարեն Հանլարին և Յորջիկ Աբրահամյանը հայտարարել են, որ դա հակասում է միջազգային նորմերին, պատմական ու քաղաքական շահերին։
Իր հերթին, ՀԱԵ Թեհրանի թեմի արքեպիսկոպոս Սեպուհ Սարգսյանը ևս դատապարտել է Թրամփի որոշումը՝ որակելով այն որպես «սխալ և կոշտ» քայլ, որն անընդունելի է քրիստոնեության և իսլամի հետևորդների համար։ Նրա խոսքով՝ սրբազան Երուսաղեմը՝ կրոնների օրրանը, կմնա Պաղեստինի անփոփոխ մասնիկը։
Սարգսյանի կարծիքով՝ Թրամփի քայլը խաթարում է պաղեստինցիների պաշտպանություն և խաղաղություն հաստատելու ջանքերը։
Ի պատասխան այդ որոշման՝ Պաղեստինն իր առաջնորդ Մահմուդ Աբբասի շուրթերով հրաժարվել է ԱՄՆ-ին միջնորդ համարել մերձարևելյան խաղաղ գործընթացում։ Թուրքիայի և Ադրբեջանի նախագահները Թրամփի որոշումն անվանել են «միջազգային իրավունքի նորմերի խախտում», իսկ «Ալ Քայիդայի» ահաբեկիչները ԱՄՆ-ի դեմ ջիհադի կոչ են արել։
