ԵՐԵՎԱՆ, 8 դեկտեմբերի — Sputnik. «Արարատ» ակումբի նոր գլխավոր տնօրեն է դարձել Պողոս Գալստյանը, իսկ «Նյուս Մեդիա» հոլդինգի գլխավոր տնօրենն այլևս չի կատարում իր պարտականությունները, հաղորդում է «Սպորտ Էքսպրեսը»։
Գալստյանին նշանակելու մասին որոշումն ընդունվել է «Արարատի» նախագահ Սամվել Կարապետյանի կողմից, հաղորդվում է «Վկոնտակտե» սոցիալական ցանցում, ակումբի էջում։ Նոր գլխավոր տնօրենը ձեռնամուխ է եղել իր պարտականությունների կատարմանը դեկտեմբերի 8–ից։
«Արարատում» աշխատելու ընթացքում Գալստյանը դրսևորել է իրեն որպես իր գործի իսկական պրոֆեսիոնալ, նա աշխատել է բացառապես թիմի օգտին։ «Արարատ» ակումբը թիմի առաջ դնում է ամենալուրջ նպատակներ, իսկ մեծ խնդիրները պահանջում են լուրջ ջանքեր, պրոֆեսիոնալիզմ և փորձ։ Պողոս Գալստյանը տիրապետում է այդ բոլոր որակներին»,– հաղորդում է մամուլի ծառայությունը։
Գալստյանը հայտարարել է, որ ամեն ինչ կանի, որպեսզի իր բազմամյա փորձն օգնի «Արարատին» հասնել մեծ հաջողությունների։
«Ակումբում հսկայական աշխատանք կատարվել է, բայց առջևում մեզ սպասում են ավելի մեծ աշխատանքներ` գլխավոր հաղթանակներին հասնելու համար», – ասել է Գալստյանը։
«Սպորտ Էքսպրեսի» տեղեկատվության համաձայն` «Արարատի» ոչ պաշտոնական ղեկավար է դարձել ռուսաստանցի խոշոր գործարար Սամվել Կարապետյանի ազգականը, որը և դարձել է ակումբի նախագահ։
Մոսկովյան ակումբը հիմնադրվել է 2017թ–ին։ Իր գոյության առաջին իսկ տարում թիմը հասել է Ռուսաստանի գավաթի 1/16 եզրափակիչ։
