ԵՐԵՎԱՆ, 5 դեկտեմբերի — Sputnik. Սկանդալային տեսանյութը, որում արտիստը խմում է Վիտալինա Ցիմբալյուկ–Ռոմանովսկայայի տված խմիչքը, դարձել է Անդրեյ Մալախովի «Ուղիղ եթեր» ծրագրի նոր թողարկման թեման։ Արմեն Ջիգարխանյանն այդ տեսանյութում հանդես է գալիս անվայելուչ տեսքով. նա կապույտ խալաթով է, որը հազիվ է ծածկում արտիստի մարմինը, իսկ ձեռքում պահում է վիսկիի շիշ և բաժակ։
Միաժամանակ տղամարդը Վիտալինային անվանում է էժանագին կին և ցենզուրայից դուրս բառեր օգտագործում։
«Դու էժանագին կին ես, ավելին` ահավոր կին ես»,–ասում է նա։
Տեսանյութից չի երևում, ինչի մասին են զրուցում ամուսինները։ Բայց զրույցի թեման ակնհայտորեն նյարդայնացնում է արտիստին։ Վիտալինան միաժամանակ շարունակում է նկարել ամուսնուն, և չնայած նրա վիճակին` վիսկի է լցնում բաժակի մեջ։
«Այս ամենը նախատեսված է հիմարների համար», – տեսանյութի վերջում ասում է Արմեն Ջիգարխանյանը։
Ակնհայտ է, որ տեսանյութը նկարվել է ընտանիքում աստղային զույգի կոնֆլիկտից առաջ։
