ԵՐԵՎԱՆ, 5 դեկտեմբերի — Sputnik. Ռուս մարզիկները ելույթ կունենան Փխենչխանի 2018թ–ի խաղերում, ասվում է ՄՕԿ պաշտոնական կայքի հաղորդագրությունում։
Նման որոշում է ընդունվել Լոզանում` Միջազգային օլիմպիական կոմիտեի նիստում։
«Այն բանից հետո, երբ ՄՕԿ գործկոմը հավանություն է տվել ՄՕԿ հանձնաժողովի զեկույցին` Սամուել Շմիդտի ղեկավարությամբ, որոշում է ընդունվել հեռացնել Ռուսաստանի օլիմպիական կոմիտեին, որոշումն անհապաղ ուժի մեջ կմտնի», – ասվում է հաղորդագրությունում։
Խաղերին կարող են մասնակցել «մաքուր» ռուս մարզիկները։
ՄՕԿ–ը որոշում է ընդունել կազմակերպության երկու հանձնաժողովների հետաքննության հիման վրա։ Դրանցից մեկը` շվեցարացի իրավաբան, ՄՕԿ գործադիր կոմիտեի անդամ Դենիս Օսվալդի ղեկավարությամբ, իրավունք է ստացել վերստուգել ռուս մարզիկների դոպինգ թեստերը Սոչիի 2014թ–ի օլիմպիական խաղերից։ Հանձնաժողովի աշխատանքի արդյունքում սկսվել են լսումներ մարզիկների կողմից հակադոպինգային կանոնները խախտելու մեջ կասկածյալների գործով, որի արդյունքում երկու տասնյակ ռուսաստանցիներ ցմահ հեռացվել են օլիմպիական մրցումներից, շատերը զրկվել են Սոչիում խաղերի մեդալներից, այդ թվում` ոսկե։ Ռուսաստանի հավաքականը զրկվել է սեփական հարկի տակ անցկացված օլիմպիական խաղերում շահած մեդալների քանակով առաջին տեղից։
