ԵՐԵՎԱՆ, 5 դեկտեմբերի — Sputnik. ՀՀ արտաքին գործերի նախարարի տեղակալ Շավարշ Քոչարյանը մեկնաբանել է Թուրքիայի նախագահ Ռեջեփ Թայիփ Էրդողանի հայտարարությունն առ այն, որ Հայաստանը փակում է երկկողմ համագործակցության բոլոր խողովակները:
«Թուրքիայի հետ հարաբերությունների կարգավորման խողովակները քաջ հայտնի են: Դա 2009թ. Ցյուրիխում ստորագրված հայ-թուրքական արձանագրություններն են և դրանց վավերացումը: Քանի որ Թուրքիան հրաժարվեց այդ արձանագրությունների վավերացումից, հենց նա է փակել ու փակում հայ-թուրքական հարաբերությունների կարգավորման խողովակները»,- Twitter-ի իր միկրոբլում գրել է ՀՀ ԱԳ նախարարի տեղակալը:
Channels for normalisation of #Armenia-#Turkey rels are well known — the Protocols signed in Zurich & their ratification. Since Turkey refused to ratify those protocols, it's Turkey itself that has blocked and continues to block the channels for normalisation of rels
— Shavarsh Kocharyan (@Sh_Kocharyan) 5 декабря 2017 г.
2009 թվականի հոկտեմբերի 10-ին Թուրքիան ու Հայաստանը դիվանագիտական հարաբերությունների հաստատման ու սահմանի բացման մասին արձանագրություն էին ստորագրել։ Այդ իրադարձությունը գնահատվում էր որպես լարված հարաբերությունների կարգավորման ուղղությամբ կատարած քայլ։ Սակայն արձանագրություններն այդպես էլ չվավերացվեցին։
