ԵՐԵՎԱՆ, 5 դեկտեմբերի — Sputnik. Դեկտեմբերի 5-ին ՀՀ Ազգային ժողովը մերժեց քառօրյա նիստի օրակարգում դրված Եվրասիական տնտեսական միությունից դուրս գալու մասին հայտարարության նախագիծը։
Պատգամավորներից 76-ը դեմ քվեարկեցին, 6-ը` կողմ։
«ԵԱՏՄ-ԵՄ քննարկումների հետ կապված պետք է արձանագրել հետեւյալը՝ ՀՀ-ին հաջողվել է գրեթե ոսկերչական ճշգրտությամբ արտաքին քաղաքականության ոլորտում առաջ տանել ՀՀ շահերը»,- ասաց պատգամավոր Սամվել Ֆարմանյանը։
«ՀՀ մասով ԵԱՏՄ պայմանագրի գործողությունը դադարեցնելու գործընթաց սկսելու վերաբերյալ» ՀՀ Ազգային ժողովի հայտարարության նախագծի վերաբերյալ Ազգային ժողով եզրակացություն ներկայացնելու համար ԱԺ ժամանակավոր հանձնաժողով ստեղծելու մասին նախագիծը ներկայացրել է «Ելք» խմբակցությունը:
