ԵՐԵՎԱՆ, 4 դեկտեմբերի — Sputnik. Դեկտեմբերի 4-ին, ժամը 10:11-ին ահազանգ է ստացվել, որ Արմավիրի մարզի Փշատավան գյուղում այրվում է «Opel» մակնիշի ավտոմեքենա:
Այս մասին տեղեկացնում է ՀՀ ԱԻՆ մամուլի ծառայությունը։
Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 10:38-ին, մարվել` 11:25-ին:
Ամբողջությամբ այրվել է «Opel» մակնիշի 17 US 583 պետհամարանիշով ավտոմեքենան, ինչի հետևանքով վարորդ՝ 1980 թ. ծնված Ա. Ն.-ը ձեռքերի և դեմքի հատվածում ստացած այրվածքներով տեղափոխվել է Արմավիրի ԲԿ, որտեղ բժիշկները տուժածի առողջական վիճակը գնահատել են բավարար:
