Երվանդ Բոզոյան
Պակիստանի առաջարկը ոչ այլ ինչ է, քան սադրանք։ Sputnik Արմենիայի հետ զրույցում, մեկնաբանելով ղարաբաղյան հակամարտության կարգավորման հարցում Ադրբեջանին աջակցելու առաջարկը, ասել է քաղաքագետ Երվանդ Բոզոյանը:
«Պակիստանը հայտնի է իր ծայրահեղ ադրբեջանական դիրքորոշմամբ, ուստի Իսլամաբադի նման հայտարարությունները ոչ այլ ինչ են, քան սադրանք։ Պակիստանն այն երկիրը չէ, որ կարող է դեր խաղալ տարածաշրջանում։ Դա գերտերություն չէ: Այն լուրջ խնդիրներ ունի Հնդկաստանի հետ», — ասել է Բոզոյանը։
Նրա խոսքով, Պակիստանին թույլ չի տրվի ինչ-որ լուրջ դերակատարություն ունենալ տարածաշրջանում: Ուստի այդ երկիրն Ադրբեջանին կարող է միայն հոգեբանական աջակցություն ցուցաբերել:
