ԵՐԵՎԱՆ, 29 նոյեմբերի — Sputnik. 2017 թվականի տասն ամիսների ընթացքում Հայաստանի միջին և խոշոր բիզնեսը օրինական դաշտ է բերել ավելի քան 3700 մարդ: Այդ մասին լրագրողներին հայտնել է ՊԵԿ խոշոր և միջին հարկ վճարողների հարկային տեսչություն–վարչության պետ Արմեն Սաֆարյանը (ղեկավարում է միջին և խոշոր բիզնեսի վարչությունը):
Նա նշել է, որ հասնել դրան հաջողվել է արդյունավետ ստուգումների շնորհիվ:
Այս ընթացքում օրինական գրանցած վարձու աշխատողների միջին ամսական թիվն աճել է 3 736-ով (հանրապետությունում նրանք ընդամենը 620 հազար են): Նրանցից շուրջ 200 հազարը աշխատում է միջին և խոշոր ընկերություններում (տարեկան 500 մլն դրամ և ավելի շրջանառությամբ):
Բացի այդ, մեկ աշխատողի միջին «կեղտոտ» աշխատավարձն աճել է 206-ից 212 հազար դրամ (որից պետք է հանել եկամտահարկը):
Արդյունքում, նույն տասն ամիսների ընթացքում ստացված եկամտահարկերն աճել են 3.8 մլրդ դրամով և հասել 123,4 մլրդ-ի:
