ԵՐԵՎԱՆ, 29 նոյեմբերի — Sputnik. 2017 թվականի տասն ամիսների ընթացքում միջին ու խոշոր բիզնեսի կասկածելի սուբյեկտները գրեթե 20% ավելի շատ գումար են վճարել պետբյուջե, լրագրողներին հայտնել է ՊԵԿ խոշոր և միջին հարկ վճարողների հարկային տեսչություն–վարչության պետ Արմեն Սաֆարյանը։
Ընդհանուր առմամբ այդ ժամանակահատվածում հանրապետությունում 7,4%-ով ավելի (ընդհանուր առմամբ՝ 716,6 միլիարդ դրամ) հարկ են հավաքել։ Ամենաշատը վճարել է միջին ու խոշոր բիզնեսը։ Դրա աճը միջինից ավելի էր 9,2%-ով։
Սաֆարյանն ընդգծեց, որ նա հատուկ ուշադրությամբ հետևել է ռիսկային հարկատուներին։ Արդյունքում՝ եթե «սպիտակ» բիզնեսը 6,9% ավելի հարկ է վճարել, ապա «սևը»՝ միանգամից 19,1%-ով։
Հավաքելով այն ինչ հարկն է՝ հարկայինը փորձել է ավել բան չվերցնել, ընդգծեց Սաֆարյանը։ Այսպես՝ 2017 թվականին կտրակապապես կրճատվել են հարկային գերավճարները՝ գրեթե 20 միլիարդ դրամով։
Բացի այդ՝ բիզնեսին թույլ են տվել կրճատել եկամտահարկի կանխավճարները։ Այստեղ նրանց օգնության են հասել օրենսդրական փոփոխությունները։ 2017 թվականից այդ հարկի եռամյակային կանխավճարներն արդեն պետք չէ կապել անցած տարվա հետ (անցած տարվա հարկի 18,75%-ը)։ Դրանք կարելի է վճարել նախորդ եռամսյակի շրջանառության 2%-ի չափով (այսինքն՝ վճարումը կարելի է համադրել ներկայիս շրջանառության հետ)։ Դա օգնել է բիզնեսին, բայց մի քիչ «փչացրել» է հարկայինի վիճակագրությունը։ Սակայն գործնական ակտիվության համար արժեր այդ քայլին դիմել, ավելացրեց Սաֆարյանը։
«Իսկ աճը մենք այդպես էլ ապահովեցինք։ Ընդ որում՝ նկատեք, դա «բռունցքներով» չարեցինք։ Մենք մոտենում ենք բիզնեսին միայն այն դեպքում, երբ նախապատրաստական աշխատանքը գրեթե հարուր տոկոսով խախտումներ է մատնանշում», — ընդգծեց Սաֆարյանը։
Արդյունքում համալիրն հարկային ստուգումները կրճատվել են 17%-ով, փոխարենը հարկված գումարներն աճել եմ գրեթե 25%-ով։
