ԵՐԵՎԱՆ, 28 նոյեմբերի – Sputnik. Հայաստանի ֆուտբոլային պրեմիեր լիգան կարող է ընդգրկվել հանրահայտ համակարգչային FIFA 19 խաղի մեջ: Electronic Arts-ի մասնագետները ՖԻՖԱ-ի պաշտոնական կայքում հարցում են անցկացնում, որի արդյունքներով խաղի մեջ մի քանի նոր ֆուտբոլային լիգա կավելացվի:
Հարցման մեջ արդեն ներառված են հարյուրից ավելի ֆուտբոլային լիգաներ և դիվիզիոններ, այդ թվում՝ Հայաստանի, Ադրբեջանի, Վրաստանի, Ղազախստանի և Իրանի լիգաները: Լուրի հրապարակման պահին հայաստանյան պրեմիեր լիգան 2950 ձայնով զբաղեցնում է 16-րդ տեղը:
Այս պահի դրությամբ, ընդհանուր առմամբ 275 հազար օգտատեր է քվեարկել:
FIFA-ն աշխարհում ամենատարածված ֆուտբոլային սիմուլյատորն է: Խաղի՝ 2017-ի սեպտեմբերին դուրս եկած վարկածի ողջ խմբաքանակը՝ 1,1 միլիոն նմուշով, վաճառվել է միայն առաջին շաբաթվա ընթացքում:
