ԵՐԵՎԱՆ, 27 նոյեմբերի — Sputnik. Հենրիխի ծնունդը մեծ մխիթարություն էր մեր ընտանիքի համար, որովհետև նա ծնվել է պապիկի մահից հետո, МИР 24-ին է պատմել ֆուտբոլիստի մայրը` Մարինա Թաշյանը։
Նրան անվանում են «հավաքականի մայր»։ Այս ամռանը Մարինա Թաշյանը ստացավ «Տարվա հայուհի» մրցանակը` հայրենական ֆուտբոլի զարգացմանը նպաստելու համար։ Սպորտի այս ձևի հետ է կապված Մարինա Թաշյանի և՛ աշխատանքը, և՛ ողջ կյանքը։ Հայտնի հարձակվող Համլետ Մխիթարյանի այրին և կիսապաշտպան Հենրիխ Մխիթարյանի մայրը Ֆուտբոլի ֆեդերացիայում ղեկավարում է հավաքականների բաժինը։
«Հենրիխն ընտանիքում երկրորդ երեխան էր։ Հայրս մահացավ, իսկ 3 ամիս անց լույս աշխարհ եկավ Հենրիխը։ Հորս մահը մեծ կորուստ էր ինձ համար, և Հենրիխի ծնունդը դարձավ փրկություն ինձ համար։ Նա կրում է հայրիկիս անունը»,-պատմել է ֆուտբոլիստի մայրը։
Իսկ մի քանի տարի անց հաջորդեց մյուս հարվածը` կյանքից հեռացավ Մարինայի ամուսինը։ Վերջին տարիներին նա խաղում էր ֆրանսիական «Վալանսում»։ Համլետի հիվանդության պատճառով ընտանիքը վերադարձավ Հայաստան։
«Շատ դժվար էր մենակ` 2 երեխայի հետ։ Ինձ թվում էր` կյանքը կանգ է առել ինձ համար»,-հիշում է Մարինան։
Երբ որդին 7 տարեկան դարձավ, մայրն ուղարկեց նրան սպորտի։ Հիմա պարապելու պայմաններն անհամեմատ լավ են, քան այն ժամանակ էր։ Բայց նրա աշխատասիրությունն ու ձգտումն արդյունքներ տվեցին։ Արդեն 14 տարեկանում պատանի Հենրիխը ստաժավորում անցավ բրազիլական ակումբում։ Իսկ մի քանի տարի անց նա ուկրաինական «Շախտյորում» ռեկորդ սահմանեց` խփած գոլերի քանակով։ Ու այս տարիների ընթացքում միշտ նրա կողքին են մայրն ու քույրը։
«Կարծում եմ` ընտանիքը կարևոր դեր ունի սպորտում նվաճումներ ունենալու համար։ Ես ճանաչում եմ Հենրիխին, նաև նրա հոր հետ եմ պարապել, ճանաչում եմ նրա մայրիկին։ Այլ կերպ չէր կարող լինել, այս ընտանիքում նա կհասներ բարձունքների»,-ասում է Հայկ Կիրակոսյանը։
Այս պահին Հենրիխը լավ ժամանակներ է չի ապրում «Մանչեսթեր Յունայթեդում»։
Թիմի կազմում հայ կիսապաշտպանն ունեցել է 15 հանդիպում` Անգլիայի առաջնությունում և Չեմպիոնների լիգայում` խփելով 2 գոլ և 5 գոլային փոխանցում։
