ԵՐԵՎԱՆ, 27 նոյեմբերի — Sputnik. Մոսկվայում սովորող Դիանա Հակոբյանն ընդգրկվել է Մոսկվայի ամենագեղեցիկ աղջիկների ցանկում, որոնք նոյեմբերի 27-ին կմրցեն «Միսս Մոսկվա» տիտղոսի համար։ Այս մասին հայտնում է «Կոմսոմոլսկայա պրավդան»։
«Միսս Մոսկվա 2017» մրցույթին մասնակցել են 800 աղջիկ, բայց միայն 40-ն են անցել եզրափակիչ փուլ։ Նրանից մեկն էլ Դիանան է, որը սովորում է Գնեսինների անվան երաժշտական ակադեմիայի առաջին կուրսում։
«Գեղեցկուհիները պատրաստվում են մրցույթի եզրափակիչ փուլին։ Խորեոգրաֆիկ մասի պատասխանատուն այս անգամ Ալլա Դուխովան է, որը նաև մրցույթի ժյուրիի անդամ է»,- նշված է հաղորդագրության մեջ։
Մրցույթի հաղթողը Մոսկվան ներկայացնելու հնարավորություն կստանա «Ռուսաստանի գեղեցկուհի» շոուում։
