ԵՐԵՎԱՆ, 22 նոյեմբերի — Sputnik. Հայաստանը գիտական տուրիզﬕ զարգացման ﬔծ ներուժ ունի: Զբոսաշրջության այս ուղղության զարգացման նպատակով թիրախավորված աշխատանք է տարվում: Զբոսաշրջության պետական կոﬕտեի նախագահի առաջին տեղակալ Մեխակ Ապրեսյանն այսօր հրավիրված ասուլիսի ժամանակ նշեց, որ շահագրգիռ կողﬔրի հետ անցկացվում են քննարկուﬓեր առաջիկա աշխատանքների համար:
Նրա խոսքով` տարբեր երկրներից Հայաստան եկած զբոսաշրջիկները շատ տպավորված են հեռանում այստեղից, չնայած որ նրանք արդեն բազմաթիվ երկրերում եղել են և շատ տեսարժան վայրեր են տեսել։
«Եթե որևէ երկիր ճապոնացի զբոսաշրջիկ է գալիս, դա արդեն ցուցիչ է, առավել ևս` եթե նա կրկին գալու ցանկություն է հայտնում։ Իսկ ճապոնացիները պահանջկոտ են։ Մենք հասել ենք նրան, որ Ճապոնիայի քաղաքացիները կարող են Հայաստան այցելել առանց վիզայի։ Եվ ոչ միայն ճապոնացիները, նաև եվրոպական շատ երկրների բնակիչներ»,–ասաց Ապրեսյանը։
Նա նշեց, որ զբոսաշրջիկների գրավելու մի քանի ձև կա` տարբեր կոնֆերանսների և արշավների կազմակերպում, հնագույն ժառանգության շուրջ գիտական փաստարկներով պատմության ներկայացում։
«Գիտական տուրիզմը զարգացնելու տեսանկյունից Հայաստանն ահռելի հնարավորություններ ունի: Այն ﬔզ համար կարևոր ուղղություն է, և ﬔնք աշխատում ենք այդ դաշտում զարգացում ապահովել: Գիտական տուրիզմում պետք է առանձնացնել երկու խումբ: Նախ՝ խումբ, որը ցանկանում են գալ Հայաստան բացահայտված իրերի ուսումնասիրության, տեղում գիտական աշխատանք տանելու համար: Մյուս կողﬕց՝ աշխատել զբոսաշրջային խմբերի հետ, որոնք այցելում են Հայաստան գիտական արդյունքը պարզապես տեսնելու համար»,-ասաց Մեխակ Ապրեսյանը:
Նա կարևոր համարեց տուրիստական ընկերությունների հետ աշխատանքը: Գիտական տուրիզմը զարգացնելու համար պետք է լավ պատրաստված լինել: Նման կարծիք հայտնեց ՀՀ ԳԱԱ հնագիտության և ազգագրության ինստիտուտի գիտաշխատող Բորիս Գասպարյանը: «Պարզապես հուշարձան պեղելը, գիտականորեն այն հիﬓավորելը բավարար չէ:
Գործընթացը շղթայական աշխատանք է պահանջում: Մասնավորապես, պեղումներն ավարտելուց հետո պետք է ակտիվ իրականացվի այդ հուշարձանի հանրահռչակումը: Այն շատ կարևոր բաղադրիչ է: Ընդ որում, հանրահռչակում և երկրի ներսում, և դրսում»,-ասաց Բորիս Գասպարյանը: Դրանից բացի, հնագետը կարևոր համարեց այդ հնավայրի ենթակառուցվածքների ապահովման հարցը: Հենց այդ ենթակառուցվածքների առկայության դեպքում զբոսաշրջիկների մոտքը հնավայր անﬖաս կլինի, գիտական նշանակություն ունեցող տարածքները չեն վտանգվի: Նա առաջարկեց նաև կիրառել եվրոպական փորձը և այդ առանձնացված հնավայրերի կողքը ստեղծել փոքր թանգարաններ, որտեղ ներկայացված կլինեն պեղված իրերը:
«Հայաստանը հին աշխարհի մաս է, այն շատ ﬔծ ներուժ ունի զբոսաշրջային տարբեր ուղղություններ զարգացնելու համար, բայց պետք է հասկանալ, որ այդպես ﬕայն ﬔր երկիրը չէ: Հետևաբար, կա ահռելի մրցակցություն, իսկ դա ենթադրում է աﬔնօրյա հետևողական աշխատանք զբոսաշրջիկների հոսքն ավելացնելու համար»,-հավելեց նա:
Հայկական տուրիզմﬕ ինստիտուտի ռեկտոր Ռոբերտ Մինասյանը առաջ քաշեց կադրերի հարցը: Նրա խոսքով, այսօր գիդերը բավարար պատրաստվածություն չունեն գիտական տուրիզմﬕ ուղղությամբ:
Զբոսաշրջության պետական կոմիտեի տվյալներով` 2017թ.–ի 1–ին կիսամյակում Հայաստան այցելած զբոսաշրջիկների թիվը 1,35 միլիոն է, ինչն անցած տարվա նույն ժամանակահատվածի համեմատ 24,3%–ով բարձր է։
