ԵՐԵՎԱՆ, 21 նոյեմբերի — Sputnik. Հայ ընտանիքը լեհական Քշեժիկի գյուղին է նվիրել Կազիմիր Ահեղի արձանը, հաղորդում է WWL24 լեհական պարբերականը։
Այս գյուղում ապրող Գայանե և Աշոտ Առաքելյանները որոշել են հարգանքի տուրք մատուցել Լեհաստանի ամենահայտնի թագավորներից մեկի հիշատակին։ Գյուղի խաչմերուկում Կազիմիրն այսուհետ գյուղացիներին ու այցելուներին «կնայի» հայկական տուֆովի միջով։
Հուշարձանի պատվավոր բացումը տեղի է ունեցել նոյեմբերի 19–ին։ Քշեժիկ գյուղը Վարշավայից 60 կմ հեռավորության վրա է գտնվում։
Կազիմիր Ահեղին լեհերը մեծարում են, որովհետև նա հետ է բերել լեհական հողերը, որոնք մինչ այդ գտնվում էին խաչակիրների տիրապետության տակ։
Իսկ հայ համայնքը` նաև նրա համար, որ 650 տարի առաջ` 1367 թվականին, Լեհաստանի կառավարիչը արտոնություններ էր տվել Լվովի հայ համայնքին։
Կազիմիրը լեհերին հավասար իրավունքներ էր տվել քաղաքի բոլոր ազգային փոքրամասնություններին`ռուսներին, հրեաներին, թաթարներին, հունգարացիներին և մնացածին։ Իսկ հայերին թույլ էր տվել ունենալ թեմ և կառուցել եկեղեցի։
