ԵՐԵՎԱՆ, 19 նոյեմբերի — Sputnik․ Գեղասահքի աշխարհի կրկնակի չեմպիոն Գեղասահորդ Եվգենյա Մեդվեդևան (հոր կողմից՝ Բաբասյան —խմբ․) խոստովանում է, որ երկրպագուների չափազանց մեծ ուշադրությունը չի խանգարում իրեն ամենօրյա կյանքում։
«Սահադաշտում միշտ փոքր երեխաներ են մոտենում ու խնդրում լուսանկարվել՝ դա առավելագույնն է։ Բայց ամենաանսովորը նվեը իմ հսկայական դիմանկարն է՝ Սեյլոր Մունի կերպարանքով, որն իմ սենյակում է կախված։ Այն ինձ համար նկարել են երկրպագուներս», — պատմել է գեղասահորդուհին «Спорт-Экспресс»-ի հետ հարցազրույցում։
17-ամյա Եվգենյան խոստովանել է, որ գոհ է Ճապոնիայում Գրան-պրիի փուլի ելույթներից, սակայն տխրում է, որ վայր ընկավ կայամական ծրագիրը կատարելիս։
Բայց նա տրամադրված է ուղղել իրավիճակը։
«Բոլոր այն սխալները, որ ես թույլ տվեցի բաց սահքերում ու Բրատիսլավայի մրցարին, օգտակար էին, ես կփորձեմ շատ աշխատել և ուղղել դրանք», — ասել է Ռուսաստանի գեղասահքի հավաքականի աստղը։
Ավելի վաղ 2002 թվականի օլիմպիական խաղերի արծաթե մրցանակակիր Իլյա Ավերբուխը հայտնել էր, որ Եվգենյան հավակնում է Օլիմպիական խաղերի բացարձակ չեմպիոն դառնալ։ Նա ունի լեգենդար գեղասահորդ դառնալու բոլոր շանսերը։
