ԵՐԵՎԱՆ, 19 նոյեմբերի — Sputnik. Լեհաստանը իրավունք չունի մոռանալ իր հերոսի, գնդապետ Վալերիան Տումանովիչի անունը։ Այս մասին Վարշավայում, Երկրորդ Համաշխարհայինին նվիրված երեկոյի ժամանակ ասել է Մարտիկների ու ռեպրեսիայի ենթարկվածների հիշատակի կազմակերպության ղեկավար Յան Յուզեֆ Կասպշիկը, հայտնում է լեհական պատմական Dzieje կայքը։
Ինչպես և Լեհաստանի այլ հայեր, Տումանովիչը նվիրված էր երկրի ազատության գաղափարին, հավելել է Կասպշիկը։
Տումանովիչը ծնվել է 1894 թվականին ու ողջ կյանքի ընթացքում զինվոր է եղել։ Երբ նա պատանի էր, Առաջին համաշխարհային պատերազմն էր ընթանում, նա կռվում էր ավստրո-հունգարական բանակի լեհական զորամասերում։ Իսկ 1939-ին, նա, լիներով արդեն 45 տարեկան, նացիստների հետ է կռվել սեպտեմբերյան պատերազմի ժամանակ։ Լեհաստանի գրավումից հետո նա Կրայովի բանակ է մտել։
«Նա մեր հայրենիքի մարտիկն էր, մենք չպետք է թողնենք, որ նրա անունը մոռացության մատնվի։ Լեհսատանի անկախության համար նա ամենաթանկ բանն է տվել՝ իր կյանքը», — ասել է Կասպշիկը։
Տումանովիչը չէր ընդունում Լեհաստանում նոր սոցիալիստական իշխանությունն ու «Ազատություն ու անկախություն» զինված հակակոմունիստական շարժմանն էր մասնակցում։ 1946 թվականի աշնանը նրան բանտարկեցին, իսկ 1947-ին՝ գնդատահարեցին։
Միևնույն ժամանակ անկասկած է նրա ներդրումը նացիզմի դեմ ուղղված զինված պայքարում։
Նրա կարգախոսն էր․«Արյունով հայ եմ, ոգով ու համոզմունքներով՝ լեհ»։ Այդ խոսքերն էլ անվանում տվեցին ֆիլմին, որը ստեղծվել է Լեհաստանի հայերի հիմնադրամի աջակցությամբ։
