ԵՐԵՎԱՆ, 9 նոյեմբերի — Sputnik. Բոստոնից երկու բժիշկ՝ Արա Նազարյանն ու Քեն Ռոդրիգեսը, նոր, յուրահատուկ՝ նիտինոլի տերևներից պատրաստված դահուկներ և Verispellis սնոուբորդ են հորինել, որը կիրառվում է բժշկական նպատակով։ Այս մասին հայտնում է «Asbarez» պարբերականը:
«Խառնուրդը, որից պատրաստված են դահուկները, յուրահատուկ է, քանի որ այն թույլ է տալիս արձագանքել ջերմաստիճանի փոփոխությանը: Նիտինոլը խառնուրդ է, որը պահպանում է սկզբնական ձևն ու կարծրությունը, ձևափոխելուց հետո վերադառնում է իր նախնական ձևին»,- նշված է հոդվածում:
Նոր նյութը, որից պատրաստված են դահուկները, թույլ է տալիս օգտագործել դահուկների մեկ զույգը, որը կարող է հարմարվել եղանակային ցանկացած պայմանների:
Արա Նազարյանը օրթոպեդ-վնասվածքաբան է, իսկ Քեն Ռոդրիգեսը՝ վիրաբույժ և ինժեներ:
Հետաքրքրական է, որ երկու բժիշկն էլ մոլի դահուկորդներ են:
