ԵՐԵՎԱՆ, 17 նոյեմբերի — Sputnik. Դոնի Ռոստովում թխվածքը արագ ուտելու մրցույթ է կայացել, հաղթող է ճանաչվել հայազգի Գևորգ Սոֆոյանը։
Առաջնության կանոնների համաձայն` մասնակիցը պետք է կաթնաշոռով կես կիլոգրամանոց թխվածք ուտեր։
Արդեն երկրորդ տարին է Գևորգ Սոֆոյանը լավագույն արդյունքի է հասնում։ Այս տարի նա թխվածքն ամբողջությամբ կերել է 1 րոպե 23 վայրկյանում։
Սակայն Գևորգը այս տարի ռեկորդակիր չդարձավ, քանի որ անցած տարի նա կերել էր թխվածքը 1 րոպե 17 վայրկյանում։
«Ամենադժվարը կուլ տալն է, աշխատում էի փոքր կտորներով կծեի, որ ավելի հեշտ լինի կուլ տալը», – ասել է Գևորգը «Ռոսիա 1» հեռուստաալիքի հետ հարցազրույցում։
Նա նշել է, որ շատ կարևոր է սոված փորով մրցելը, իհարկե, դա նաև բախտի հարց էլ է։
Գևորգը հաջորդ տարի էլ կմասնակցի մրցույթին, բայց մրցույթից հետո նա միանգամից վազելու կգնա։
Այս մրցույթն արդեն չորրորդ անգամ է անցկացվում։ Ամեն տարի թխվածքի տասնյակ սիրահարներ մասնակցում են մրցույթին ու նվերներ են ստանում։
