ԵՐԵՎԱՆ, 15 նոյեմբերի — Sputnik. Հայաստանում աշխատանքի տարիներին «Գազպրոմը» երկրից ոչ մի ցենտ չի տարել։ Այս մասին այսօր ՀՀ խորհրդարանում կառավարության հետ հարց ու պատասխանի ընթացքում հայտնել է Հայաստանի վարչապետ Կարեն Կարապետյանը։
Նրա խոսքով` Հայաստանի գազատար համակարգի բաժնետոմսերն աշխարհում էլ ոչ ոքի չէին հետաքրքրի հենց այն պատճառով, որ այնտեղից դիվիդենտներ չեն գալիս։
««Գազպրոմը» շահույթ չի ստանում, ընդ որում այն մեր երկրի գազաֆիկացման մակարդակը բարձրացրել է 18–ից մինչև 96%, իսկ ստորգետնյա գազապահեստարանի ծավալը մեծացրել է 60–ից մինչև 150 միլիոն խորանարդ մետր»,–ասաց վարչապետը։
Այդ պատճառով այն 300 միլիոն դոլարը, որով «Գազպրոմը» գնել է «Արմռոսգազպրոմի» բաժնետոմսերի 20 %–ը, հնարավոր ամենաձեռնտու գործարքն է, հավելել է նա` պատասխանելով «Ծառուկյան» դաշինքի պատգամավոր Տիգրան Ուրիխանյանի հարցին։
Հիշեցնենք` Ռուսական «Գազպրոմը» ու «Գազպրոմ Արմենիան» 2013 թվականին պայմանագիր են կնքել, որի համաձայն Հայաստան ռուսական գազ է մատակարարվելու տարեկան 2,5 միլիարդ խորանարդ մետր ծավալով 2014-2018 թվականներին, 2016 թվականի ապրիլի 7-ին պայմանագրի մեջ լրացումներ են արվել։
