ԵՐԵՎԱՆ, 14 նոյեմբերի – Sputnik. Պետերբուրգի հեռուստաալիքը ռեպորտաժ է պատրաստել՝ նվիրված Աբամելեկ-Լազարևների՝ հայ իշխանների ընտանիքին, ինչպես նաև ներկայացրել քաղաքի կենտրոնում գտնվող նրանց առանձնատան պատմությանը:
Հեղինակները պատմում են, որ Աբամելեկ-Լազարևների առանձնատունը համարվում է զբոսաշրջիկների սիրած վայրերից մեկը:
Առանձնատան մասին առաջին հոդվածները հայտնվել են 19-րդ դարում. մուտքի չորս սյուները շատ հայտնի են եղել, այցելուները կառքերով ժամանել են դրանք նայելու: Մինչ օրս շենքը կրում է վերջին իշխանի՝ Սեմյոն Սեմյոնովիչ Աբամելեկ-Լազարևի անունը:
Topspb.tv-ն հաղորդում է, որ Ռուսաստանում այդ ժամանակ հայտնի են եղել կրկնակի ազգանունները, որոնք տրվել են միայն կայսեր հրամանով: Ուստի իշխանը կրել է Աբամելեկ-Լազարև ազգանունը:
Ինչպես պատմում է տեղի զբոսավարը, Լազարևները հայերի սերունդներն են, որոնք բռնագաղթել են Պարսկաստանից 17-րդ դարում:
«Ամբողջ գաղտնիքն այն է, որ Աբամելեկ-Լազարևների տունը՝ որպես իսկական ռուսական մատրյոշկա, ներսից կազմված է չորս շենքերից: Օրինակ, պատշգամբից հիանալի տեսարան է բացվում դեպի Մոյկայի»,- ասվում է հոդվածում:
Սեմյոնը մոր մահից հետո ստիպված է եղել լքել հայրենի տունը, քանի որ ծեր իշխանը կտակել է շենքը հայկական եկեղեցուն:
Այդ ժամանակ Լազարև կրտսերը տեղափոխվել է այլ առանձնատուն՝ դրա հետ միասին գնելով Մոյկա գետի մոտ գտնվող հարևան տարածքը: Այդ վայրում սկսվում է տան շինարարությունը, որը ճիշտ և ճիշտ նման էր Նևսկի պողոտայում գտնվող տանը:
«Մոյկա գետի ափին գտնվող այս պալատը համարվում է ամենաերիտասարդը, քանի որ այն կառուցվել է 1914թ-ին՝ մինչհեղափոխական շրջանում: Թատերական սրահից հետո, որտեղ մի քանի ներկայացումներ են բեմադրվել, կարելի է հայտնվել 200 քմ տարածքով մեծ դահլիճում»,- ասվում է հաղորդագրությունում:
Այդ դահլիճը դարձել է պետերբուրգյան օլիմպիականների պատվին կազմակերպած ընդունելությունների սրահ: Այդ առանձնատունը պատկանում է ֆիզիկական կուլտուրայի և սպորտի հանձնաժողովին արդեն 90 տարի, սակայն բոլոր ցանկացողները կարող են տեսնել այդ ճարտարապետական հրաշքը:
