ԵՐԵՎԱՆ, 13 նոյեմբերի — Sputnik. Նախագահ Սերժ Սարգսյանը ցավակցական հեռագիր է հղել Իրանի Իսլամական Հանրապետության նախագահ Հասան Ռոհանիին՝ Իրանի Քերմանշահ նահանգի Ազգալե բնակավայրի հարակից տարածքում հարյուրավոր զոհերի պատճառ դարձած ավերիչ երկրաշարժի կապակցությամբ, հայտնում է ՀՀ նախագահի պաշտոնական կայքը։
Հանրապետության Նախագահը խորին վշտակցություն և զորակցություն է հայտնել Իրանի նախագահին և բարեկամ ժողովրդին՝ զոհվածների ընտանիքներին և հարազատներին՝ մաղթելով համբերություն, ուժ և կորով, իսկ վիրավորներին՝ շուտափույթ ապաքինում:
Երեկ երեկոյան Իրանում տեղի է ունեցել հզոր երկրաշարժ։
Տեղի լրատվամիջոցները հաղորդում են, որ 7,2 մագնիտուդ երկրաշարժի զոհ է դարձել ավելի քան 200 մարդ, հազարավոր տուժածներ կան։
