ԵՐԵՎԱՆ, 13 նոյեմբերի – Sputnik. Հայաստանի ազգային հավաքականը Սարգսյանի անվան «Հանրապետական» մարզադաշտում ընկերական հանդիպում է անցկացնում Կիպրոսի ազգային ընտրանու հետ:
Խաղի 17–րդ րոպեին հաշիվը բացված է ի օգուտ մեր հավաքականի։ Մրցակցի դարպաս գնդակն ուղարկեց Հայկ Իշխանյանը։ 1–ին գոլը ոգևորեց մեր ֆուտբոլիստներին։ Արդեն 37–րդ րոպեին Վարազդատ Հարոյանը հաշիվը դարձրեց 2։0։ Առաջին խաղակեսն այսպես էլ ավարտվեց։
Երկրորդ խաղակեսի սկզբին հյուրերը կրճատեցին հաշվի տարբերությունը` 2։1։
Խաղի 62–րդ րոպեին մեր հաղթանակն ամրապնդեց թիմի ավագ Հենրիխ Մխիթարյանը։ Այս պահին Հայաստանի հավաքականը հաղթում է Կիպրոսի հավաքականին 3։1 հաշվով։
