ԵՐԵՎԱՆ, 11 նոյեմբերի–Sputnik. Նոյեմբերի 11-ին, ժամը 09:50-ին ահազանգ է ստացվել, որ Լոռու մարզի Վանաձոր քաղաքի նախկին թիվ 3 գիշերօթիկ դպրոցի մոտակայքում տեղի է ունեցել ավտովթար։
Բախվել են երկու ավտոմեքենաներ, կան տուժածներ. անհրաժեշտ է փրկարարների օգնությունը: Այդ մասին հաղորդում է ԱԻՆ մամուլի ծառայությունը։ Դեպքի վայր է մեկնել մեկ մարտական հաշվարկ:
«Փրկարարները՝ քաղաքացիների հետ համատեղ ուժերով, ավտոմեքենաներից դուրս են բերել «ՎԱԶ 21099» մակնիշի ավտոմեքենայի վարորդ՝ Ա. Կ.-ին, ուղևորներ՝ 1980 թ. ծնված Ա. Կ.-ին, 1988 թ. ծնված Վ. Բ.-ին և «Jeep Liberty» մակնիշի ավտոմեքենայի ուղևոր 1974 թ. ծնված Լ. Ա.-ին. վարորդը չի տուժել»,– ասված է հաղորդագրության մեջ։
Տուժածները հոսպիտալացվել են Վանաձորի բժշկական կենտրոն։ Փրկարարները հոսանքազրկել են ավտոմեքենաները և փակել գազի բալոնների փականները, մաքրել ճանապարհը:
