ԵՐԵՎԱՆ, 10 նոյեմբերի — Sputnik. Մեծ ցավ եմ ապրում, ես կորցրեցի համախոհի, ընկերոջ, գրողի, որն ինձ համար բազմաթիվ համարներ, մենախոսություններ էր ստեղծել, որոնք մեծ հաջողություն են ունեցել, ասել է խորհրդային ու ռուսասկան արտիստ, գրող–հումորիստ ու հաղորդավար Եվգենի Պետրոսյանը Instagram սոցիալական կայքում իր տեսաուղերձի մեջ։
«Կյանքից հեռացավ մեծ հումորիստը, մեր մեծ ընկերը, որն օգնում էր մեզ հումորի միջոցով իմաստավորել կյանքը, հասկանալ` ինչն է դրանում լավ, ինչն է վատ, ինչը պետք է գնահատել, իսկ ինչը` մի կողմ նետել։ Միայն մեծ հումորիստներին է հաջողվում հանդիսատեսի հետ այդպիսի փոխներգործության հասնել, երբ հանդիսատեսը ոչ միայն ուրախանում է ելույթների ժամանակ, այլ նաև շնորհակալ է լինում ու հիշողության մեջ է պահում այն ամենն, ինչ ասել ես նրան», – նշել է նա։
Պետրոսյանի խոսքով` երախտագիտությունից, սիրուց, հոգևոր ցնցումի վիճակից բացի, նա մեծ ցավ է զգում։
«Այսօր տեղս չեմ գտնում։ Ես Եկատերինբուրգում եմ, բայց հոգով սլանում եմ այնտեղ` սգո բոլոր արարողություններին մասնակցելու համար։ Հավերժ հիշատակ, Աստված ողորմի», – հավելել է հումորիստը։
Սատիրիկը երկար ժամանակ բուժվում էր քաղցկեղից։ 2016 թվականի ամռանը նա ստիպված էր հետաձգել է հյուրախաղերը` հիվանդության սրացման պատճառով։ Այն ժամանակ էլ նա հայտնել է, որ իր մոտ գլխուղեղի քաղցկեղ է հայտնաբերվել։
Զադորնովը ծնվել է 1948 թվականին Յուրմալա քաղաքում։ Նա Ռուսաստանի գրողների միության անդամ էր։ Գրել քնարերգական ու սատիրիկ ոճով պատմվածքների ու ակնարկների ավելի քան տասը գիրք։
Հումորիստն ամուսնացել է երկու անգամ։ Երկրորդ ամուսնությունից նա 27–ամյա դուստր ունի։
