ԵՐԵՎԱՆ, 10 նոյեմբերի — Sputnik. Երկարատև հիվանդությունից հետո կյանքից հեռացել է հանրահայտ գրող-երգիծաբան Միխայիլ Զադորոնովը։
Նա արդեն տևական ժամանակ պայքարում էր քաղցկեղի դեմ։
2016 թվականին Զադորոնովը հյուրախաղերից հրաժարվել էր հիվանդության սրացման պատճառով։
Երգիծաբանը ծնվել է 1948 թվականին Լատվիայի Յուրմալա քաղաքում։ Նա Ռուսաստանի Գրողների միության անդամ էր։ Կյանքի ընթացքում գրել է ավելի քան 10 գիրք, որոնցում զետեղվել են ճանապարհորդական ակնարկներ, երգիծական պատմվածքներ։
Նա մեծ համբավ ունի Ռուսաստանում։ Զադորնովի ելույթներն անցնում էին լեփ–լեցուն դահլիճներում։
Երգիծաբանը երկու անգամ էր ամուսնացել։ Երկրորդ կինը նրան դուստր էր պարգևել, որն այժմ 27 տարեկան է։
