ԵՐԵՎԱՆ, 6 նոյեմբերի – Sputnik. ՀՀ առողջապահության նախարարությունը շաքարային դիաբետով և երիկամների անբավարարությամբ հիվանդներին աջակցելու համար կավելացնի բյուջեն:
6 նոյեմբերի 2017, 22:12
2018 թվականի պետական բյուջեի նախագծի քննարկման ժամանակ այդ մասին երկուշաբթի հայտարարել է ՀՀ առողջապահության նախարար Լևոն Ալթունյանը:
Մասնավորապես, շաքարային դիաբետով հիվանդների թվի՝ 8%-ով ավելանալու արդյունքում համապատասխան դեղերի ձեռք բերման ծախսերը (և դրանց ներկրման համար ներարկիչ գրիչները) կավելանան մինչև 41,5 մլն դրամ (մոտ 86 հազար ԱՄՆ դոլար):
Հեմոդիալիզի ծառայությունների ծախսերը, կրկին հիվանդների թվի աճի պատճառով, կավելանան 285 մլն դրամով: Հեմոդիալիզի և պերիտոնիալ դիալիզի համար կհատկացվի 2,36 մլրդ դրամ (մոտ 5 մլն դոլար):
