ԵՐԵՎԱՆ, 6 նոյեմբերի – Sputnik. Հայաստանում ռոբոտաշինությանն աջակցելու համար 2018 թ.-ին Հայաստանի բյուջեից հատկացվելու են լրացուցիչ միջոցներ: Այդ մասին երկուշաբթի հայտարարել է ՀՀ կրթության և գիտության նախարար Լևոն Մկրտչյանը պատգամավորական հանձնաժողովներում 2018 թվականի բյուջեի նախագծի քննարկմանը:
Ինչպես և 2017 թվականին, այդ նպատակների համար հատկացվելու է 127 մլն. դրամ: Այն կօգտագործվի ուսուցիչների աշխատավարձերի և 57 դպրոցական խմբակների և 103 լաբորատորիաների համար:
Նշենք, որ Հայաստանում կա «Արմատ» դպրոցական ռոբոտաշինության 210 լաբորատորիա (մասամբ դրանք հովանավորվում են ՏՏ բիզնեսի կողմից): Այնտեղ դասերից հետո աշակերտներին օգնում են անվճար սովորել ինժեներիայի հիմունքներ:
9 տարիների ընթացքում այդ խմբակներից դպրոցականների 84% —ը գնացել է բուհեր, իսկ 12% —ն արդեն սկսել են իրենց ստարտափերը:
Հայաստանում ռոբոտաշինության դպրոցական խմբակները գործում են 2008 թ.-ից: Հայաստանի ՏՏ ձեռնարկությունների միության (UITE) վերջերս անցկացրած հարցման համաձայն՝ տարբեր տարիների ընթացքում այդ խմբակների աշակերտների 84% —ն ընդունվել է բուհեր, 39% —ը`ուսման հետ համատեղ արդեն աշխատում է, 12% —ը ստեղծել է իր սեփական ստարտափերը:
