ԵՐԵՎԱՆ, 6 նոյեմբերի – Sputnik. Ադրբեջանի հետ սահմանամերձ գյուղերում արդեն օգնում են վճարել լույսի, գազի և ոռոգման համար:
2018 թվականից Հայաստանի սահմանամերձ շրջանների բոլոր դպրոցականները կստանան անվճար դասագրքեր: Այդ մասին ասվում է 2018 թ. հանրապետության պետական բյուջեի նախագծում, որի քննարկումները երկուշաբթի Խորհրդարանում շարունակվում են պատգամավորական հանձնաժողովներում:
Օգնություն կստանան հայ-ադրբեջանական սահմանի անմիջական հարևանությամբ գտնվող 37 բնակավայրի դպրոցականներ:
Սահմանամերձ գոտու 56 հազար բնակչի համար դա առաջին աջակցությունը չէ:
Պետությունը նրանց փոխհատուցում է գազի ծախսերի 50%-ով, (տարեկան մինչև 360 խմ) և էլեկտրաէներգիայի ծախսը (մինչև 1440 կՎտ/ժ` մեկ տարվա համար): Գազ չունեցողները էլեկտրաէներգիայի համար լրացուցիչ փոխհատուցում են ստանում: Ոռոգման գինը վերադարձվում է 50% —ով, իսկ հողամասերի և գույքի հարկերը ամբողջությամբ դուրս են գրվում `գյուղատնտեսական հողերի՝ թշնամու կրակի տակ գտնվելու պատճառով:
Նշենք, որ ցածր (1-4) դասարանների աշակերտներն ամբողջ երկրում դասագրքերն անվճար են ստանում։
