ԵՐԵՎԱՆ, 5 նոյեմբերի — Sputnik. Հայտնի հումորիստ Գարիկ Մարտիրոսյանի կինը՝ Ժաննա Լևինա Մարտիրոսյանը հեգնանքով պայքարում է վիրտուալ հարձակվողների դեմ՝ ասելով, որ Instagram-ի իր էջն իր վիրտուալ տունն է:
«Ես հյուրասեր մարդ եմ և սիրում եմ, երբ ինձ հյուր են գալիս: Ամեն ինչ անում եմ, որպեսզի իմ հյուրերն իմ տանն իրենց լավ, հաճելի ու ուրախ զգան: Ինստագրամային աշխարհի մասշտաբներով՝ ես քիչ «հյուր» ունեմ, բայց նրանք ուրախ, կրթված, հումորի զգացումով մարդիկ են: Եվ շնորհակալություն ձեզ՝ ամեն բարի խոսքի համար», — գրել է Լևինան:
Instagram- ի աստղը նշել է, որ բարձր է գնահատում է իր բաժանորդների ուշադրությունը, նույնիսկ եթե դա չի համապատասխանում իր դիրքորոշմանը: Միևնույն ժամանակ նա ասել է, որ ոչ բոլոր մեկնաբանություններն են քաղաքակիրթ:
«Ցավոք սրտի, որքան ավելի շատ բաժանորդներ, այնքան ավելի մեծ հնարավորություն է, որ «չուզողները» կիմանան քո «տան» մասին, և իմ էջը բացառություն չէ»: Նրանք, բաց դռներ տեսնելով, ներս են մտնում ուրիշի տուն և սկսում են ղեկավարել. «Ինչու՞ է ձեր բազմոցն այստեղ դրված: Տեղափոխեք այն: Ինչու՞ են ձեր պաստառներն այդքան սարսափելի: Նորը փակցրեք: Դուք պետք է փոխեք սա և սա, իսկ սա տանը մի արեք, և սա՝ ֆու, սարսափելի է, ձեր տանը խսեք այնպես, ինչպես մենք ենք ուզում, սրա մասին մի խոսեք, իսկ սրա մասին խոսեք», — անդաստիարակներին ծաղրել է Ժաննան:
Նման վարքը Ժաննային շատ է հիասթափեցնում: Նա անդաստիարակներին համեմատել է անկոչ հյուրերի հետ, ովքեր սեղանի վրա կեղտոտ ոտքերն են դնում և պահանջում են կերկրել նրանց ինչ-որ համեղ բանով:
«Այնպես որ, այսուհետ բոլոր անդաստիարակների մեկնաբանությունները կջնջվեն, իսկ ոմանք կարգելափակվեն: Ես բաժանորդների քանակի հետևից չեմ ընկնում, (գովազդից գումար չեմ վաստակում), իսկ «հյուրերի» որակը ինձ ավելի շատ է մտահոգում: Իմ կյանքը անտեղի, կոպիտ մեկնաբանությունները չեն փոխի, բայց ես չեմ ուզում, որպեսզի իմ պատմություններն ուրախացնեն և զվարճացնեն չար մարդկանց: Իսկ հիմա ուշադրություն: Եղեք ավելի խելացի, լուռ և հանգիստ, մտեք իմ էջը, դիտեք նկարները, կարդացեք տեքսը, ապա հանգիստ ու լուռ դուրս եկեք և ում հետ ուզում եք բարձրաձայն քննարկեք իմ արտաքինը, ազգությունը, պատմությունները, հաղորդագրությունները, հագուստը և այլն: Ինձ հնարավորություն մի տվեք զրկել ձեզ այդ հաճույքից», — գրել է նա:
Գարիկն իր ապագա կնոջ հետ ծանոթացել է Սոչիում 1997 թ., ՈՒՀԱ —ի փառատոնին: Նրանք սկսել են շփվել 1998 թ.-ից: Ամուսինները երկու երեխա ունեն `դուստր և որդի:
