ԵՐԵՎԱՆ, 2 նոյեմբերի – Sputnik. Հայտնի շոումեն, հումորիստ Գարիկ Մարտիրոսյանի կինը պատմեց, թե ինչու են նրան փողոցում բուժօգնություն առաջարկում:
Իր թեկնածությունը Ռուսաստանի Դաշնության նախագահի պաշտոնին առաջադրելուց հետո մարդիկ փողոցներում սկսել են Ժաննային ճանաչել, խղճալ և բուժօգնություն առաջարկել: Այդ մասին գրել է Լևինան իր Instagram-ում:
«Բայց ես չեմ հուսահատվում, ա՛յ, հիմա գնում եմ ընտրողների հետ հանդիպման. սկզբից «Կոպեեչկա» խանութից հաց ու մածուն եմ գնելու, ապա անվադողերն եմ փոխելու, հարկավոր է տնտեսական խանութ մտնել հատակ լվանալու նոր փայտ գնելու համար, հետո համատիրության մուտքի սալիկների հարցն եմ լուծելու, ապա դպրոց եմ գնալու ծնողական ժողովի, վերջում էլ դեղատուն՝ հանգստացնող դեղի հետևից»,- ստորագրել է հրապարակումը Ժաննան:
Հետո նա կատակում է, թե՝ չգիտի, կդիմանա՞ այդպես թե ոչ, քանի որ նախագահի թեկնածուն քաղց կյանքով չի ապրում։
«Ես հասկանում եմ, որ ինձ, որպես ՌԴ նախագահի թեկնածու, ոչ ոք չի հիշի, բայց իմ «ֆուքսի-ռեդ» գույնի վերարկուն մոռանալ հնարավոր չէ»,- գրել է Մարտիրոսյանի կինը։
Դրա հետ կապված՝ նա իր վերարկուն առաջարկում է ընդունել որպես նախագահի թեկնածու, քանի որ այդ վերարկուի շանսը՝ դառնալ ՌԴ նախագահ, ճիշտ այնքան է, որքան Քսենյա Սոբչակինը, Ժիրինովսկունը, Զյուգանովինն ու Գորդոնինը։
