ԵՐԵՎԱՆ, 2 նոյեմբերի – Sputnik. «Ապավեն» հայկական լոգիստիկ օպերատորը մտադիր է Մարսելում մասնաճյուղ բացել, Sputnik Արմենիային ասաց ընկերության գործադիր տնօրեն Գագիկ Աղաջանյանը:
Այս փուլում ընկերությունը հավաքում է պատվերներ և ընտրում աշխատակազմ:
Մարսելում կա մոտ 50 հազար հայ, Ֆրանսիայում` 600 հազար: Դեռ հաշվարկը կատարվում է անձնական իրերի և մանր ապրանքի խմբաքանակների տեղափոխման համար, որոնք մեծ օպերատորների համար այդքան էլ հետաքրքիր չեն:
«Մոսկվայի ուղղությամբ 2 տարի է, ինչ աշխատում ենք: Այնպես որ, մենք ցանկանում ենք փորձը կիրառել նոր ցամաքում կամ ծովում՝ ինչպես կկամենաք», ՚- ասաց Աղաջանյանը:
Ֆրանսիան Հայաստանի տնտեսության խոշորագույն ներդրողներից մեկն է, սակայն երկրների միջև ապրանքաշրջանառությունը դեռևս այնքան էլ մեծ չէ (Հայաստանի արտաքին առևտրի միայն 1,2% —ը): Այդուամենայնիվ, ոչ շատ մեծ ծավալներով Ֆրանսիա են տանում գինի, չիր, հագուստ (տեղական ընկերությունների պատվերով) և նույնիսկ ավելի ծավալային բեռներ` ալյումինե փայլաթիթեղներ: Եթե դրան ավելացնենք մրգով և հուշանվերներներով ծանրոցները, գուցե մի բան ստացվի, կարծում է Աղաջանյանը:
«Հիմա մենք փորձում ենք պարզել, թե որքան է նման ծառայությունների պահանջարկը և ինչ գներով»,- հավելեց նա:
