ԵՐԵՎԱՆ, 31 հոկտեմբերի – Sputnik, Լաուրա Սարգսյան. Վրաստանը երկխոսության կողմնակից է բոլոր հարևանների հետ, սակայն Թբիլիսին պետք է կանխի ռազմավարական դաշնակից Թուրքիայի ազդեցության լծակների ընդլայնումը, համարում է «Իրաքլի II միություն» վրացական կազմակերպության ղեկավար Արչիլ Չկոիձեն:
Բաքու-Թբիլիսի-Կարս երկաթուղու մեկնարկի ֆոնին որոշ վրացական ԶԼՄ-ներ հիշեցրել են Թուրքիայի առաջնորդ Ռեջեփ Թայիփ Էրդողանի անցյալ տարվա ելույթը, որի ժամանակ նա հայտարարել է, որ ըստ որոշ պատմաբանների Թուրքիայի սահմանների մեջ պիտի մտնեն Կիպրոսը, Հալեպը, Մոսուլը, Էրբիլը, Քիրքուկը, Բաթումին և մի շարք այլ քաղաքներ:
Փորձագիտական մակարդակով Թբիլիսիի այս հայտարարությունը անթույլատրելի համարվեց առանցքային դաշնակիցներից մեկի շուրթերից:
«Թբիլիսին հանդես է գալիս իր բոլոր հարևանների հետ համագործակցության կոչով: Մենք պետք է համագործակցենք նաև Թուրքիայի հետ: Բայց չպետք է տանք նրան ազդեցության որոշակի լծակներ: Անկարան գումար է ներդնում Վրաստանի տնտեսության մեջ, սակայն չի բացառվում, որ 5-10 տարի հետո այլ պահանջներ կլինեն», — ասել է Չկոիձեն:
Նրա խոսքով` Թբիլիսին պետք է զգոն լինի և որևէ ռազմական դաշինքի չմասնակցի: Բացառություն չէ նաև Անկարայի, Թբիլիսիի և Բաքվի եռակողմ միությունը, որից Վրաստանը դեռ չունի շահեր:
Իսկ մյուս կողմից խնդիրներ կան նաև ԲԹԿ «դարի նախագծի» հետ: Այն կօգնի ամրապնդել Ադրբեջանի, Վրաստանի, Թուրքիայի միությունը միայն այն պայմանով, որ նախագծի կողմերի դերերը լինեն համարժեք: Բայց նույնիսկ այստեղ, Թբիլիսին իր վրա է վերցրել ծանր ֆինանսական բեռը` դրամական վարկ մեկ այլ ռազմավարական գործընկեր Բաքվից: Այս կերպ նա իրեն դրել է մի փակուղու մեջ`ավելի խորը կախվածության մեջ ընկնելով Ադրբեջանից:
ԲԹԿ-ում կան նաև որոշակի ռիսկեր, որոնք անհրաժեշտ է հաղթահարել, և մի շարք հարցեր լուծել: Նախագիծը անշրջելի է, և հետևաբար, հարկավոր է առաջ նայել և մտածել, թե ինչպես այն զարգացնել և հետագայում օգտագործել», — Sputnik Արմենիայի հետ զրույցում ասել է տնտեսական հարցերով փորձագետ Գիյա Խուխաշվիլին:
Վրաստանում քաջ գիտակցում են ռիսկերը, սակայն առաջարկում են չդրամատիզացնել, քանի որ վարկը Ադրբեջանի կողմից տրամադրվել է արտոնյալ պայմաններով:
Վրաստանը Ադրբեջանից վերցրել է դրամային կանխիկ վարկ, ԲԹԿ-ի իր բլոկը կառուցելու համար, որը կազմում է 775 մլն դոլար` 2% տարեկան տոկոսադրույքով, 25 տարով:
Բաքու-Թբիլիսի-Կարս երկաթուղու պաշտոնական բացումը տեղի է ունեցել հոկտեմբերի 30-ին, Բաքվում: Բաքու-Թբիլիսի-Կարս երկաթգծի ամենամեծ թողունակությունը տարեկան 17 մլն տոննա բեռ է: Այս ցուցանիշը կկազմի 1 մլն ուղևոր և 6,5 մլն տոննա բեռ: Ճանապարհի շահագործումը նախատեսվում էր մինչև 2016 թ. վերջը, սակայն այն հետաձգվեց մինչեւ 2017 թ. հոկտեմբեր:
