ԵՐԵՎԱՆ, 31 հոկտեմբերի – Sputnik. Եվրասիական զարգացման բանկը «Հայաստանի էլ ցանցերին» վերազինման համար հատկացրել է 100 մլն դոլար վարկ:
ԵԶԲ-ն և «Հայաստանի էլեկտրական ցանցեր» ՓԲԸ-ն 2017թ. հոկտեմբերի 31-ին Մոսկվայում ստորագրել են ծրագրերի մասին համաձայնագիր: Փաստաթղթի համաձայն`կողմերը նախատեսում են կազմակերպել «Հայաստանի էլեկտրական ցանցեր» ՓԲԸ-ի ներդրումային ծրագրի մասնակի ֆինանսավորում: Ստորագրման արարողությունը ԵԶԲ-ի կողմից անցկացվող «Եվրասիական ինտեգրացիա» XII Միջազգային կոնֆերանսի շրջանակներում:
Փաստաթուղթը ստորագրվել է ԵԶԲ-ի կողմից ԵԶԲ Խորհրդի փոխնախագահ Կոնստանտին Լիմիտովսկիի, «Տաշիր» խմբի կողմից Կարեն Դարբինյանի, «Հայաստանի էլեկտրական ցանցեր» ՓԲԸ-ի կողմից գլխավոր տնօրեն Կարեն Հարությունյանի կողմից:
Ծրագրի շրջանակներում կատարված ներդրումները կուղղվեն ընկերության նոր բաշխիչ ցանցերի և ենթակայանների վերակառուցմանը և կառուցմանը, նոր սպառողների ցանցին միացմանը, էլեկտրաէներգիայի հաշվիչների փոխարինմանն ու տեղադրմանը, էլեկտրաէներգիայի հաշվառման ավտոմատացված համակարգի ներդրմանը, ավտոմատացված կառավարման համակարգի ներդրմանը (MIS) և միջազգային կառավարման ստանդարտներին: (ISO):
«Էներգետիկայի ոլորտը, ըստ բանկի առաքելության, ներդրումների գերակա ուղղություններից մեկն է», — ասաց ԵԶԲ վարչության փոխնախագահ Կոնստանտին Լիմիտովսկին:
Նրա խոսքով` ԵԶԲ-ն քննարկում է «Հայաստանի էլեկտրական ցանցեր» ՓԲԸ-ին մինչեւ 10 տարի ժամկետով մինչև 100 մլն դոլար վարկ տրամադրելու հնարավորությունը:
«Ծրագրի իրականացման արդյունքում նախատեսվում է որակապես բարելավել էլեկտրաէներգիայի բաշխման գործառույթը, նվազեցնել էներգիայի կորուստները և օպտիմալացնել շահագործման ծախսերը, արդիականացնել ֆիզիկական և կոմերցիոն էլեկտրաէներգիայի հաշվառման համակարգը, ընդլայնել բաշխիչ ցանցերը, բարելավել բաշխիչ ցանցի կառավարման համակարգը», — ասաց «Հայաստանի էլեկտրական ցանցեր» ընկերության գլխավոր տնօրեն Կարեն Հարությունյանը:
Իր հերթին Դարբինյանը նշել է, որ մինչև 2021 թ. ընկերության ներդրումային ծրագիրը ներառում է 200 մլն դոլարի ներդրումներ կատարել: 500 միլիոն դոլարի ներդրման համար պատրաստվում է նոր ծրագիր:
Նրա խոսքով` գումարը ծախսվելու է ընկերության տեխնիկական վերազինման վրա, և նրանք հույս ունեն ներգրավել ներդրումներ, այդ թվում` Ասիական զարգացման բանկից, ինչպես նաև Վերակառուցման և զարգացման եվրոպական բանկից:
«Հայաստանի էլեկտրական ցանցեր» (ՀԷՑ) ՓԲԸ-ն զբաղվում է Հայաստանի Հանրապետության ողջ տարածքով էլեկտրաէներգիայի բաշխմամբ: Սպասարկում է ավելի քան մեկ միլիոն սպառողի: Երկրի խոշորագույն գործատուն է և խոշորագույն հարկատուներից մեկը: ՀԷՑ-ի սեփականատերը «Տաշիր» ՍՊԸ-ի սեփականատեր Սամվել Կարապետյանն է, ով 2015 թվականին ձեռք է բերել «Էլցանցերը»:
«Տաշիր» խումբը մտադիր է 5 տարվա ընթացքում 200 մլն դոլար ներդնել «Հայաստանի էլեկտրական ցանցերի» զարգացմանը:
ԵԶԲ-ն միջազգային ֆինանսային կազմակերպություն է, որը ստեղծվել է 2006 թ.-ի հունվարին Ռուսաստանի և Ղազախստանի կողմից, որը նպաստում է մասնակից երկրների շուկայական տնտեսության զարգացմանը, դրանց կայուն տնտեսական աճի և փոխադարձ առևտրի ու տնտեսական կապերի ընդլայնմանը: ԵԶԲ-ի անդամ երկրներն են Հայաստանը, Բելառուսը, Ղազախստանը, Ղրղըզստանը, Ռուսաստանը և Տաջիկստանը:
