ԵՐԵՎԱՆ, 30 հոկտեմբերի — Sputnik. Մծխեթ-Ստեփանծմինդա-Լարս մայրուղու 16-րդ կիլոմետրում արգելվում է կցորդով և կիսակցորդով մեքենաների երթևեկությունը։ Այս մասին հայտնում է Վրաստանի տարածաշրջանային զարգացման և ենթակառուցվածքների նախարարության ճանապարհային դեպարտամենտը։
Վրաստանի բնապահպանության նախարարության շրջակա միջավայրի ազգային գործակալության տվյալով` առատ ձյունը վտանգել է երթևեկությունը։
Սահմանափակման ռեժիմի պահպանումը հսկում է Վրաստանի պարեկային ոստիկանությունը։
Ռազմավրացական ճանապարհն այս պահին Հայաստանն ու Ռուսաստանն իրար կապող միակ ցամաքային ուղին է։
