ԵՐԵՎԱՆ, 30 հոկտեմբերի — Sputnik. ՀՀ նախագահ Սերժ Սարգսյանը նոյեմբերի 15-ին աշխատանքային այցով կմենի Ռուսաստան։ Այսօր Sputnik Արմենիա մամուլի կենտրոնում կայացած ասուլիսի ժամանակ հայտնեց ՌԴ-ում Հայաստանի դեսպան Վարդան Տողանյանը։
Ռուսաստանում Հայկական մշակույթի օրերը կմեկնարկեն նոյեմբերի 15-ին և կտևեն մինչև տարեվերջ։
«Հայաստանի նախագահը ներկա կլինի Ռուսաստանում Հայկական մշակույթի օրերի բացման հանդիսավոր արարողությանը։ Ռուսաստանի մեր գործընկերների հետ աշխատում ենք այցի օրակարգի և հանդիպումների ժամանակագրության վրա»,- ասաց Տողանյանը։
Մշակույթի օրերի շրջանակում ծրագրված են նաև ՀՀ պաշտպանության նախարարի, ԱԺ խոսնակի և պատգամավորների այցելությունները։
Հայաստանի նախագահ Սերժ Սարգսյանը վերջին անգամ աշխատանքային այցով Ռուսաստան էր մեկնել հոկտեմբերի 11-ին։ Նա մասնակցել էր ԱՊՀ երկրների ղեկավարների խորհրդի և Եվրասիական տնտեսական խորհրդի նիստին։
