ԵՐԵՎԱՆ, 30 հոկտեմբերի — Sputnik. Իրանի նախագահ Հասան Ռոհանին կշարունակի զարգացնել հրթիռային ծրագիրը, քանի որ այն չի խանգարում ՄԱԿ-ի Անվտանգության կոմիտեի արձանագրությանը, հաղորդում է ՌԻԱ Նովոստին՝ հղում անելով Mehr-ին։
«Դուք պետք է հասկանաք, որ մենք ստեղծել ենք, ստեղծում ենք և շարունակելու ենք ստեղծել հրթիռներ։ Դա չի խախտում միջազգային կարգը և չի հակասում ՄԱԿ-ի 2231 արձանագրությանը»,- հայտարարել է Ռոհանին՝ ելույթ ունենալով Իրանի Խորհրդարանում։
Ռոհանին ասել է, որ կստեղծեն ցանկացած զենք, որն անհրաժեշտ է Իրանի տարածքային ամբողջականությունը պաշտպանելու համար և առանց վարանելու կկիրառեն այն, եթե հարցը հասնի ինքնապաշտպանությանը։
Իրանի նախագահը նաև նշել է, որ ԱՄՆ-ը դավաճանում է նախորդ վարչակազմին միջազգային պայմանագրերի անբավարար հետևողականությամբ, Վաշինգտոնն աշխարհին ցույց է տալիս, որ չի հարգում բանակցություններն ու համաձայնությունները և չի հետևում բարոյական ու միջազգային սկզբունքներին, դրա համար էլ այդ երկիրն արժանի չէ վստահության։
ԱՄՆ նախագահ Դոնալդ Թրամփը հոկտեմբերի 13-ին որդեգրել է Վաշինգթոնի ավելի խիստ ռազմավարություն Թեհրանի հանդեպ։ Դիմելով ամերիկացիներին, Թրամփն ասել է, որ հրաժարվում է հաստատել Կոնգրեսին, որ Իրանը պահպանում է միջուկային ծրագրի մասով ձեռք բերված համաձայնությունը։
