ԵՐԵՎԱՆ, 30 հոկտեմբերի — Sputnik. Ռուսաստանում երկու հայի են ձերբակալել զինվորական ծառայությունից խուսափելու կասկածանքով։ Այս մասին հայտնում է Վոլոգդայի շրջանի ՌԴ ՆԳՆ մամուլի ծառայությունը:
Վոլոգդայի շրջանում իրականացված օպերատիվ-կանխարգելիչ գործողությունների շրջանակում ոստիկանությունն իրականացրել է անօրինական միգրացիայի դեմ պայքարի միջոցառումներ: Չերեպովեցում և Վոլոգդայում ոստիկանները ձերբակալել են Հայաստանի Հանրապետության կողմից միջազգային հետախուզման մեջ գտնվող երկու տղամարդու, որոնք խուսափել են բանակային ծառայությունից», — նշված է հայտարարության մեջ:
ՌԴ ՆԳՆ Միգրացիոն վարչության Վոլգոդայի շրջանի աշխատակիցները քննարկել են օտարերկրյա քաղաքացիներին արտաքսելու հարցը: Մի դեպքում վարչական հիմքեր չեն եղել արտաքսելու համար, մյուս դեպքում Չերեպովեցի քաղաքային դատարանը մերժել է արտաքսումը:
