ԵՐԵՎԱՆ, 29 հոկտեմբերի — Sputnik. Նյու Յորքում 28 տարեկան ամերիկուհի Դիանա Մարինին գնացել է բանկ թալանելու տաքսիով։ Քանի դեռ նա բանկն է թալանել, այդ ընթացքում մեքենայի մեջ նրան է սպասել 6 տարեկան դուստրը։ Այս մասին հայտնում է CBS New York-ը։
Կինը դուրս է եկել տաքսուց և շարժվել Chase բանկի ուղղությամբ, որտեղ նա գանձապահին է փոխանցել գումարն անհապաղ իրեն տալու գրությունը։
Վերցնելով կանխիկ գումարը` նա նստել է մուտքի մոտ սպասող տաքսին։
Իրավապահ մարմինների աշխատակիցները ձերբակալել են հնարամիտ ամերիկուհուն և շատ զարմացել, երբ ավտոմեքենայում հայտնաբերել են փոքրիկ աղջկան։
Այժմ Դիանա Մարինիին ոչ միայն բանկ թալանելու մեղադրանք կներկայացնեն, այլև պատասխանատվության կենթարկեն անչափահաս երեխայի անվտանգությունը սպառնալիքի տակ դնելու համար։
Երեխային արդեն փոխանցել են Դիանայի հարազատներին։
