Անձրևոտ ավարտ. հոկտեմբերի վերջին օրերը թաց կլինեն

ԵՐԵՎԱՆ, 27 հոկտեմբերի — Sputnik. Հանրապետության տարածքում հոկտեմբերի 28-ին` օրվա երկրորդ կեսին, 29-ի գիշերը, նոյեմբերի 1-ին շրջանների զգալի մասում,  հոկտեմբերի 30-31-ն արևմտյան շրջաններում սպասվում է անձրև և ամպրոպ, առանձին շրջաններում՝ քամու ուժգնացում, տեղեկացնում է արտակարգ իրավիճակների նախարարությունը:

29-ի ցերեկը սպասվում է առավելապես առանց տեղումների եղանակ:

Օդի ջերմաստիճանը 28-ին, նոյեմբերի 1-ին կնվազի 2-3, հոկտեմբերի 29-ի ցերեկը կբարձրանա 1-2 աստիճանով:

Երևանում հոկտեմբերի 28-ին` օրվա երկրորդ կեսին, 29-ի գիշերը, նոյեմբերի 1-ին սպասվում է, 30-31-ը հնարավոր է անձրև և ամպրոպ, նաև քամու ուժգնացում՝ 12-17 մ/վ արագությամբ: 29-ի ցերեկը սպասվում է առանց տեղումների եղանակ: Ցերեկը կլինի 19-21, երեկոյան՝ 13-15 աստիճան տաքություն։

Երևան քաղաքի հոկտեմբերի 28-ի բազմամյա կլիմայական տվյալներ.

•       Օդի առավելագույն ջերմաստիճան՝            25.10C (1998 թ.),

•       Օդի նվազագույն ջերմաստիճան՝              —4.70C (1977 թ.),

•       Օդի միջին օրական ջերմաստիճան՝          10.20C։