ԵՐԵՎԱՆ, 25 հոկտեմբերի — Sputnik. Հայտնի հեռուստահաղորդավար և հումորիստ Միխայիլ Գալուստյանը հատուկ շնորհավորանք է ստացել իր գործընկերոջից` Comedy Сlub-ի գեղարվեստական ղեկավար Գարիկ Մարտիրոսյանից:
Նա հրապարակել է ընկերոջ լուսանկարը և գրել. «Այսօր (միայն թե շատ-շատ տարիներ առաջ) ծնվել է իմ ճանաչած տաղանդավոր ու զվարճալի մարդկանցից մեկը»: Հանրության կողմից սիրված… (թմբուկի հարվածներ), տիկնայք և պարոնայք, դիմավորեք… (հարվածներն արագանում են` վերածվելով պղնձե զնգոցի և թմբուկային դղրդյունի)…Միշաաաաաաա (հաղորդավարը կորցնում է ձայնն ու գիտակցությունը)»:
Գալուստյանն ավելի լուրջ է մոտեցել իր տարեդարձին։ Նա Instagram սոցիալական ցանցի իր էջում լուսանկար է հրապարկել և գրել. «38 անգամ արևի շուրջ»: Գալուստյանի էջի բաժանորդներն անմիջապես սկսել են շնորհավորանքներ հղել նրան:
Նշան (Միխայիլ) Սերգեյի Գալուստյանը ծնվել է 1979 թ-ի հոկտեմբերի 25-ին Սոչիում, որտեղ էլ ավարտել է դպրոցը: 1996 թ-ին ընդունվել է բժշկական ուսումնարան։
Հենց այդ ժամանակ էլ սկսել է հանդես գալ ՈՒՀԱ-ի «Ուտոմլյոննիե սոլնցեմ» թիմում, որի կապիտանն է դարձել 2002 թ-ին։ 2003 թվականին թիմն արժանացել է Բարձրագույն լիգայի չեմպիոնի տիտղոսի, 3 անգամ նվաճել է ՈՒՀԱ-ի Ամառային գավաթը (2004, 2005 և 2009):
Միխայիլ Գալուստյանն ամուսնացած է Վիկտորյա Գալուստյանի հետ, նրանք ունեն 2 դուստր:
