ԵՐԵՎԱՆ, 25 հոկտեմբերի — Sputnik. Արտաշատի ՀՀԿ կառույցում հեռահար բախում է տեղի ունեցել մարզպետ Արամայիս Գրիգորյանի և ՀՀԿ մարզային կառույցի ղեկավար Ալիկ Սարգսյանի միջև։ Այս մասին գրում է «Ժողովուրդ» օրաթերթը։
Ըստ թերթի` Ալիկ Սարգսյանը որոշել է ՀՀԿ կառույցի կանանց խորհրդի նախագահ նշանակել Մասիս գյուղի միջնակարգ դպրոցի տնօրեն Ռուզաննա Խաչատրյանին։
«Կան տեղեկություններ, որ մինչև անգամ նշանակումը եղել է, սակայն մարզպետն իմացել է, իր մոտ է կանչել տնօրենին ու հանդիմանել, որ առանց իր իմացության ինքն իրավունք չուներ ստանձնելու այդ պաշտոնը»,- գրում է թերթը։
Մարզպետն էլ Խաչատրյանին առաջարկել է ընտրել`կա՛մ մնում է տնօրենի, կա՛մ կանանց խորհրդի նախագահի պաշտոնը։
