ԵՐԵՎԱՆ, 25 հոկտեմբերի — Sputnik. ԵՏՀ–ն կսկսի վարորդական իրավունքների ոլորտում նոր համաձայնագրի մշակումը, Երևանում անցկացվող ԵԱՏՄ միջկառավարական խորհրդի նիստից հետո ճեպազրույցի ժամանակ ասաց ԵՏՀ–ի նախագահ Տիգրան Սարգսյանը։
«Մենք կսկսենք մշակել միասնական կանոնների մասին համաձայնագիր, քանի որ վարորդական իրավունքների ոլորտում հիմնարար փոփոխություններ են տեղի ունենալու՝ կապված նրա հետ, որ թվայնացում է իրականացվում, այդ թվում՝ նաև տրանսպորտի տվյալների»,– ասաց Սարգսյանը։
Նրա խոսքով` տրանսպորտի նոր տեսակներ են հայտնվում, որոնց կառավարման վերաբերյալ անհրաժեշտ է հատուկ գիտելիքներ ունենալ (անօդաչու, խառը կառավարմամբ ավտոմեքենաներ)։
Այդ պատճառով, ինչպես կարծում է Սարգսյանը, պետք է ԵԱՏՄ տարածքում միասնական սկզբունքներ մշակել։
Միջկառավարական խորհրդի նիստում ուսումնասիրվեց ընդլայնված օրակարգը, որը ներառում էր ԵԱՏՄ գործունեության գործնական կողմերը։
Ռուսաստանի, Հայաստանի, Բելառուսի, Ղազախստանի և Ղրղըզստանի կառավարության ղեկավարները քննարկեցին միության մաքսային տարածքում ապօրինի ապրանքաշրջանառությանը հակազդելուն ուղղված համալիր միջոցները։
Առանձին ուշադրություն դարձվեց ինտեգրման ճյուղային ուղղությունների զարգացմանը. նավթի, գազի և էլեկտրաէներգիայի միասնական շուկաների ձևավորում։
ԵԱՏՄ–ն միջազգային ինտեգրացիան միավորում է, որը ստեղծվել է Մաքսային միության և Միասնական տնտեսական տարածքի հիման վրա, գործում է 2015 թվականի հունվարի 1–ից։ Միությունը ստեղծված է ԵԱՏՄ երկրներում ծառայությունների, ապրանքների, կապիտալի և աշխատուժի ազատ տեղաշարժումն ապահովելու նպատակով։ ԵԱՏՄ անդամ են Ռուսաստանը, Հայաստանը, Բելառուսը, Ղազախստանն ու Ղրղըզստանը։
