ԵՐԵՎԱՆ, 24 հոկտեմբերի — Sputnik. Հայաստանը հզոր հիմք ունի Ռուսաստանի հետ գյուղատնտեսության ոլորտում համագործակցությունն ամրապնդելու համար: Այս մասին հայտարարեց Ռուսաստանի վարչապետ Դմիտրի Մեդվեդևը հայ գործընկերոջ` Կարեն Կարապետյանի հետ ճեպազրույցում:
Նա նշեց, որ Ռուսաստանում հայկական մրգերը, հյութերը, պանիրները և մրգերի ու բանջարեղենի պահածոների մի ամբողջ շարք շատ տարածված են Ռուսաստանում և առանձնանում են գերազանց որակով:
Այս ֆոնին Մեդվեդևն առանձին նշեց ծիրանը` ասելով, որ ծիրանի պատմությունը շատ երկար է:
Նա ավելացրեց, որ ներուժը լավն է,`հատկապես հաշվի առնելով այն, որ Ռուսաստանը դեռ սահմանափակումներ է կիրառում մի շարք երկրների մրգի ու բանջարեղենի համար:
«Դա, իհարկե, նպաստում է մեր համագործակցությանը մասնավորապես ԵԱՏՄ-ի մեր ընկերների, գործընկերների հետ», — ասաց Մեդվեդևը:
Նրա խոսքով, երկու պետությունները ջերմոցային տնտեսության ոլորտում խոշոր նախագծեր չունեն, բայց դրանով անհրաժեշտ է զբաղվել:
Բացի այդ, կողմերը պատրաստ են քննարկել նաև Ռուսաստանից գյուղատնտեսական տեխնիկա մատակարարելու հարցերը:
«Ուստի, կարծում եմ, մենք այս ուղղությամբ մեծ հնարավորություններ ունենք», — ասաց Մեդվեդևը:
Միևնույն ժամանակ, համագործակցության ներուժը, ըստ նրա, չի սահմանափակվում գյուղատնտեսությամբ: Ռուսաստանի վարչապետը նշեց, որ գրեթե ոչ մի ոլորտ չկա, որտեղ Ռուսաստանն ու Հայաստանը չեն համագործակցում:
