Բեմի և էկրանի արքան դարձավ սկանդալային շոուի հերոս: Քննարկվում են Արմեն Ջիգարխանյանի ու նրա կնոջ տարօրինակ հայտարարությունները: Մեղմ ասած, ամոթ է: Ճիշտն ասած` կանխատեսելի: Վերջին ամուսնությունից հետո մեծ դերասանի ընտանեկան կյանքի այսպիսի եզրափակումը դժվար չէր կանխատեսել:
Հարցը միայն տարիքային տարբերությունը չէ, այլ առաջին հերթին աշխարհընկալումը: Նրա տարիքի տղամարդը խոսակցության որևէ թեմա հավանաբար կգտնի 37-ամյա Վիտալինայի հետ: Օրինակ` ութսունամյա ամուսնուց երեխա ունենալու մասին:
Ընտանեկան կյանքն ունի մասնավոր գոտիներ, որտեղ հասարակությանը չի կարելի թույլ տալ մտնել: Այնտեղ չի կարելի թույլ տալ մտնել նույնիսկ հարազատներին ու մտերիմ ընկերներին: Իսկ այստեղ նշանադրման մատանիների փոխանակման րոպեից երկիրը կպավ հեռուստաէկրաններին` անդադար քննարկելով հայտնի դերասանի ամուսնության մանրամասները նրա ղեկավարած թատրոնի երաժշտական մասի ղեկավարի հետ:
Չեմ կարծում, որ փառքից հոգնած Արմեն Բորիսովիչի համար դա ցանկալի էր, դրա կարիքն ունեն նրանք, ովքեր ցանկանում են հռչակավոր փառքի ճառագայթներում տաքանալ:
Սնուցվեց, տաքացավ, բայց շատ արագ գերջերմացավ: Վիտալինա Ցիմբալյուկ-Ռոմանովսկայայի տարաբնույթ հարցազրույցները շփոթության զգացում առաջացրին, սակայն դա ոչինչ է ամուսնական զույգի այսօրվա հայտարարությունների համեմատ:
Ամուսին. Նա իրեն շատ վատ պահեց: Գո՜ղ: Նա գո՜ղ է, ոչ թե մարդ:
Կին. Կարծում եմ, որ դա սադրանք է և մանիպուլյացիա: Եթե ես նրա կողքին չլինեի, մենք վաղուց կորցրած կլինեինք Ջիգարխանյանին:
Մենք չենք որոշում, թե ով է իրավացի, ով` մեղավոր: Մենք ցավ են ապրում մեկ այլ բանից` արդյո՞ք սիրված դերասան Ջիգարխանյանից միայն նրա դերերը կմնան: Իսկ ինքը` դերասան-կատարողը, կհիշվի միայն որպես ամուսին, որին լքել է կինը կամ հակառակը:
Շատ ցավալի է և շատ ափսոս:
